Энэ жилийн Улсын баяр наадамд ес даван түрүүлж, Монгол Улсын аварга хэмээх эрхэм цолыг хүртсэн Э.Оюунболдын допингийн шинжилгээний хариу эерэг гарсан нь олон нийтийн дунд шуугиан үүсгээд байгаа билээ.

Улсын аварга Э.Оюунболд өнгөрсөн баасан гаригт Улсын баяр наадмыг зохион байгуулах комист гаргасан гомдолдоо “Би тамирчин хүний хувьд Монгол бөхийн дэвшээг шударга өрсөлдөөний талбар байгаасай гэж хүсдэг, допингийн эсрэг хатуу байр суурьтай хүн. Монгол бөхийн дэвжээ нь сүүлийн жилүүдэд бөхчүүдийн үнэн хүчийг сорьсон шударга шударга тэмцлийн талбар байсан эсэхийг бодитоор тогтоолгох, бөхөд хайртай түмнийхээ эргэлзээг бүрэн тайлж, 2009-2019 онуудад Үндэсний их баяр наадамд түрүүлж, үзүүрлэж, шөвгөрсөн бөхчүүдийн өгсөн сорьцын талаарх Дэлхийн допингийн эсрэг агетлагийн итгэмжлэгдсэн лабораторийн шинжилгээний хариуг тус байгууллагаас албан шугамаар ирүүлэн, бодит байдлаар олон нийтэд мэдээлэхийг хүсье” гэжээ.

Тэрбээр өнгөрсөн ням гаригт болохоор товлогдсон байсан аварга цолны баяраа хойшлуулж, би допинг хэрэглээгүй, харин миний шээс солигдсон хэмээн мэдэгдсэн нь бүх сонирхогчдын эгдүүцэл дургүйцлийг дээд зэрэгт хүргэсэн юм.

---