Олон арван жилийн түүхтэй Dr. Martens брэнд дээд зэргийн арьс, агаар нэвтрүүлдэг ул, шар өнгийн оёдлоороо үйлчлүүлэгчдэд танил болсон шилдэг гутлуудыг үйлдвэрлэдэг. Гэвч тэд ногоон дэлхийгээ хайрлагч цагаан хоолтнуудад зориулж амьтны гаралтай арьс, бүтээгдэхүүнээс татгалзсан цоо шинэ гутлууд үйлдвэрлэж эхэлсэн билээ.

Энэ бол маш зөв сонголт байсан юм. Учир нь 2011 онд анх удаа борлуулалтад гаргасан цагаан хоолтнуудад зориулсан гутлын борлуулалт 2017-2019 оны хооронд 279 хувиар өсчээ.  

Ойрын жилүүдэд хиймэл арьсан гутлуудаас гадна амьтны арьсан эдлэл, бараа бүтээгдэхүүний эрэлт хэрэгцээ ч мөн хувцас загварын зах зээлд нэмэгдэж байна. Зарим брэндүүд, тухайлбал Stella McCartney мал, амьтны гаралтай бүтээгдэхүүнээс бүрэн татгалзсан гэдгээ албан ёсоор зарласан юм. Гэвч Dr. Martens аль нэг чигийг барьж хэт туйлшралгүй зах зээл дэх эрэлт хэрэгцээг ухаалгаар харж ханган нийлүүлж байна.

Дээд зэргийн арьс болон хиймэл арьсан гутлуудаараа үйлчлүүлэгчид, тэр дундаа цагаан хоолтон хэрэглэгчдээ бүрэн татаж чадсан Dr. Martens-ын өчигдөр танилцуулсан санхүүгийн тайлан мэдээгээр 2019 онд 548 сая ам.долларын борлуулалт хийжээ. Энэ нь яг жилийн өмнөхөөс 30 хувиар өссөн дүн юм.

 

Эх сурвалж: www.qz.com

---