™ watch
Нийгэм | 5 сарын өмнө

Дамжин өнгөрөх нислэгээ Хонконгоос өөр газраар нисэхээр зохицуулахыг зөвлөж, сэрэмжлүүлэв

Нийтэлсэн
5 сарын өмнө

Нийтэлсэн:   Д.Төв
5 сарын өмнө

 

Хонконг дахь Ерөнхий консулын газраас сэрэмжлүүлэг гаргасныг та бүхэндээ хүргэж байна. 

"БНХАУ-ын засаг захиргааны онцгой бүс - Хонконгт өрнөж буй эсэргүүцлийн үйл ажиллагаа улам идэвхжиж, томоохон дүүргүүдэд амралтын өдрүүдээр тогтмол зохион байгуулагдаж байна. Мөн Хонконгийн олон улсын нисэх буудалд 8 дугаар сарын 9-ний өдрөөс эхлэн тайван суулт хийж байна.

Сүүлийн үед жагсаал цуглааны үеэр эмх замбараагүй байдал үүсэж, үймэн самуун дэгдэн, цагдаа, жагсагчид болон жагсагчдын эсрэг бүлэглэлүүдийн хооронд тогтмол мөргөлдөөн гарах болов. 8 дугаар сарын 11-ний жагсаалыг цагдаагийн байгууллага хүчээр тараахдаа хуванцар сум хэрэглэснээс үүдэн 8 дугаар сарын 12-ны өдөр Хонконгийн олон улсын нисэх буудалд олон мянган хүн цуглаж бүртгэлийн ажиллагаа саатсан тул 16.00 цагаас хойшхи бүх гарах нислэгийг цуцлаад байна.

Иймд иргэдийг Хонконгт зорчихдоо сонор сэрэмжтэй байх, шөнө оройн цагаар болон амралтын өдрүүдээр олон хүн цугласан газруудад очихгүй байх, дамжин өнгөрөх нислэгээ Хонконгоос өөр газраар нисэхээр зохицуулахыг Монгол Улсаас БНХАУ-ын ЗЗОБ Хонконгт суугаа Ерөнхий консулын газраас зөвлөж байна.

Шаардлагатай тохиолдолд дараах хаягаар холбоо барина уу.

ХОНКОНГ ДАХЬ ЕРӨНХИЙ КОНСУЛЫН ГАЗРЫН ХАЯГ, ХОЛБОО БАРИХ УТАС
Хаяг / Address: Hong Kong Unit 1203, 12/F, Tower 2, Lippo Centre 89 Queensway Road Admiralty
Цахим хуудас: www.hongkong.consul.mn
Цахим шуудан: hongkong@mfa.gov.mn
Facebook: www.facebook.com/ConsulateGeneralofMongoliaHK/
Утас: 852 25222400
Факс: 852 25222405"

гэжээ. 

 


Сэтгэгдэл (0)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Холбоотой мэдээ

      Кино сан

    © 2019 livetv.mn. Бүх эрх хуулиар хамгаалагдсан.
    Мэдээлэл хуулбарлах хориотой.