СПОРТ
ХӨГЖИМ
™ watch
Видео мэдээ | 2019-08-07

LIVE: С.Батчулуун: Оффшор бүсэд байгаа 17 тэрбум ам.долларыг эргүүлэн авчрах талаар Монголын төр ажиллахгүй байна

Нийтэлсэн
4 жилийн өмнө


Сурталчилгаа
Нийтэлсэн:   С.БУДРАГЧАА
4 жилийн өмнө


“Ард түмний онц зөвлөл” ТББ-ын зохицуулагч С.Батчулуун, Д.Цогтбаатар нар Монгол Улсын Ерөнхийлөгч Х.Баттулгын АНУ-д хийсэн айлчлал болон оффшор бүсэд байгаа хөрөнгийг царцаах, эгүүлэн татах шаардлагын талаар өнөөдөр мэдээлэл хийлээ.


“Ард түмний онц зөвлөл” ТББ-ын зохицуулагч С.Батчулуун:


Монгол Улсын Ерөнхийлөгч маш өндөр ач холбогдолтой айлчлалыг АНУ-д хийсэнтэй холбогдуулан АТОЗ-өөс мэдэгдэл гаргаж байна. Оффшорт данстай улс төрчид хуулийг уландаа гишгэж, ард түмнээ басамжлан амьдарч, Монголын төрийг өөрсдийгөө баяжуулах хэрэгсэл болгон ашиглаж байгааг цаг үеийг төгсгөл болгоход чиглэсэн онцглй ач холбогдолтой айлчлал боллоо гэж АТОЗ үзэж байна.

Одоо оффшор данстай улс төрчид, оффшорчдын эх орноосоо хулгайлж байршуулсан асар их хэмжээний валютыг царцааж, төрийн зүгээс тухайлан хууль баталж, ард түмнээ өрийн дарамтаас гаргана гэж итгэж байна.

-Оффшор бүсэд байгаа хөрөнгөтэй холбоотой мэдээлэл баримт та бүхэнд байгаа юу?


-Бид сүүлийн гурван жил янз бүрийн баримт мэдээлэл цуглуулж, хавтаслаж байгаа. Бид өөрт байгаа бүх мэдээллээ Монгол Улсын Ерөнхийлөгчид өгсөн. Энэ материалуудаар дуулиан шуугиан тарих хүсэл байхгүй. Хамгийн гол нь үр дүн хэрэгтэй. Ерөнхийлөгч оффшорт байгаа хөрөнгийг эргүүлэн авчирна гэж АТОЗ-тэй гэрээ байгуулсан. Одоо хэлсэндээ хүрнэ гэж итгэж байна.


“Ард түмний онц зөвлөл” ТББ-ын зохицуулагч Д.Цогтбаатар:


Олон Улсын эрэн сурвалжлах сэтгүүлчдийн нэгдсэн холбооноос гарсан мэдээллийг та бүхэндээ бид хүргэсэн. Оффшор бүсийн компанийн мэдээлэл хакерын халдлагад өртөж нууцалсан мэдээллээ алдсан. Тэр мэдээллийн дунд Монголын 49 улс төрч байсан. Монгол Улс гадаадад төдийгүй дотооддоо оффшор бүстэй болсон. Эрдэнэт үйлдвэр, Оюутолгой, Тавантолгой зэрэг нууцлаг хөрөнгүүд бий болсон. Оффшор 12 бүсэд Монголын 611 Монголын компани бүртгэлтэй байгаа. Оффшорчид авлигачид Монгол Улсад 2001-2016 оны хооронд 16.85 тэрбум ам.долларын хохирол учруулсан. Үүний 200 гаруй сая ам.доллар нь л эргэж орж ирсэн. Бид Авлигын эсрэг конвенцод нэгдэн орсон учраас дэлхийн улс оронд оффшорчдын нуусан хөрөнгийг гаргуулан авах бүрэн боломж байгаа.

“Ард түмний онц зөвлөл” ТББ-ын зохицуулагч С.Батчулуун:

Монголын төр гадаадын улс орнуудаас таван тэрбум ам.доллар зээлээч гээд гуйгаад явж байгаа. Гэтэл оффшор бүсэд 17-оос ч их тэрбум ам.доллар байна. Энэ тоо цаашид улам өснө. Сая Ерөнхийлөгчийн хийсэн айлчлалын дүнд хэчнээн тэрбум ам.доллар маань гараад явчихсаныг мэдэх боломжтой боллоо.

Сурталчилгаа

Манай хуудсыг дагаарай!


© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.