Өвөрхангай аймгийн цагдаагийн газарт Өвөрхангай аймгийн Богд сум долдугаар багын нутаг дэвсгэрт эрэгтэй хүнийг амь насыг нь хохироогоод шороонд булсан байна гэсэн дуудлага мэдээлэл 2019 оны долдугаар сарын 29-ны өдөр иржээ. Тус дуудлага мэдээллийн дагуу алба хаагчид хэргийн газарт үзлэг хийж ажиллахад Өвөрхангай аймгийн Арвайхээр хотод оршин суух хаягтай, эрхэлсэн тодорхой ажилгүй, эрэгтэй, 35 настай Э-г гадны нөлөөтэй нас барсан нөхцөл байдал тогтоогджээ. Тус аймгийн цагдаагийн газрын албан хаагчид гэмт хэргийг үйлдсэн байж болзошгүй тухайн аймагт оршин суух хаягтай эрхэлсэн тодорхой ажилгүй Б, Д, Х нарыг дайчлан баривчилж цагдан хорих таслан сэргийлэх арга хэмжээг авч мөрдөн шалгах ажиллагааг явуулж байна хэмээн ЦЕГ-аас мэдээллээ.

---