Үндэсний их баяр наадмын дараагаас аймаг, бүсийн наадмууд эхэлсэн. Уг наадмуудын нээлтийн үеэр болсон хөгжилтэй явдлуудын бичлэг сошиал орчинд ТРЭНД болж байна

Эхнийх нь Баянхонгор аймгийн Даншиг наадмын нээлтийн үеэр нэгэн сарлаг наадамчин олныг хэрхэн бусниулж байгаа бичлэг олонд түгсэн. Тэгвэл уг даншиг наадмыг үзсэн нэгэн үзэгч эмэгтэй өөрийн сэтгэгдлээ хуваалцсан байна. Тэрбээр “Сарлаг орж ирсэн нь алдартай хүн цэнгэлдэхэд хүрч ирэн олон түмэнтэй мэндчилж байгаа мэт маш гоё сүр хүчтэй, омог, бишрэл, гайхлыг төрүүлсэн үзэгдэл болсон. Ламын гэгээний дүр хүн ардынхаа дунд бууж ирж байгаа тийм нэг сайхан үзэгдэл болоод өнгөрлөө” хэмээжээ.

Дараагийн ТРЭНД бичлэг бол Өмнөговь аймгийн Цогтцэций сумын 90 жилийн ойн баяр наадмын нээлт юм. Уг нээлтийн үеэр есөн хөлт цагаан тугийг цэнгүүлэхээр явж байсан морьтонгуудын нэгний морь үргэж, барьж явсан тугийг нь орооцолдуулан "бужигнаан" үүсгэжээ. Уг бичлэгийг үзсэн хүмүүс "Баянхонгорийн наадмыг сарлаг үймүүлсэн. Сарлагнаас хөгжилтэй явдал боллоо" хэмээн бичицгээжээ. 

---