Х.Өлзийбаяр

Германы Мюнхений Техникийн их сургуульд бүтээсэн вакумжсан хоолойгоор явдаг Hyperloop галт тэрэг SpaceX Hyperloop Pod уралдааны үеэр цагт 463 км хурдалж хурдны шинэ дээд амжилт тогтоосон байна.

Ирээдүйн тээврийн хурдан хэрэгсэл гэх Hyperloop-ыг 2013 онд Америкийн зохион бүтээгч, бизнесмэн Илон Маск анх санал болгосон юм. Гэхдээ энэ тээврийн хэрэгслийг үйлдвэрлэж, амьдралд хэзээ хэрэгжүүлэх нь тодорхойгүй байгаа ч улам төгөлдөржүүлэхээр ажилласаар байгаа юм.

Мюнхений инженерүүдийн бүтээсэн, найман цахилгаан мотортой Hyperloop өнгөрсөн жилийн уралдааны үеэр цагт 457 км хурдалж байсан бол энэ жил 4.5 км зайд давхихдаа энэ амжилтаа эвдсэн нь энэ. Инженерүүд, зохион бүтээгчид энэ галт тэргийг цагт 1200 км хурдлуулахыг зорьж байгаа юм.

---