Хүй долоон худаг дахь Монголын бизнесийн зөвлөлийн гэр хүрээ хөл ихтэй байна. Учир нь тус зөвлөлийн гэр хүрээнд нүүдлийн био дөрвөн ширхэг жорлонг суурилуулсан нь наадамчин олны таашаан хэрэглэж буй үйлчилгээний нэг болоод байна.

УИХ-ын гишүүн асан Ц.Оюунгэрэлийн санаачлан хэрэгжүүлж байгаа "Жорлонгоо өөрчилье" хөдөлгөөнийхөн тус жорлонгуудыг суурилуулсан ба хэрэглэгч нарын сэтгэгдлийг авч байхад нь ярилцлаа. 

УИХ-ын гишүүн асан Ц.Оюунгэрэл: 

-Шингэнийг бид газар руу нь шингээж, харин өтгөнийг нь тусад нь уутанд хийн авч булж байна. Модны нүх рүү хийж, био хөрсний бордоо ч хийж болохгүй гэх газаргүй. Бие зассаны дараа хажууд нь буй үртэстэй элсийг хийснээр үнэргүй, ялаагүй тав тухтай бие засах боломжтой болж байгаа юм гэлээ. 

 

Нүүдлийн, угсрахад хялбар био жорлонгийн үндсэн үнэ нь 2.5 сая төгрөг ч кабиныг 850.0, суултуурыг 800.0 гэх зэргээр салгаж авч болох гэнэ.  

@bcmongolia -ийн гал дээр @oyunlt @Daagii01 эгч ах нар маань зочлон саатаж байна. Хүмүүс жорлонг маань гүймөн их сонирхож биеэ засаж байдаг шүү. Жорлон цэвэрхэн, тухтай бол бусад нь аяндаа болно дөө тэ #ЖорлонгооӨөрчилье pic.twitter.com/uEkCCGEnz0

— Д.Саян (@Sayan_Mgl) July 11, 2019

---