Хэдхэн секунд хөгжилдөж усан гулсуураар аялахын тулд хол замыг туулж хүч хөдөлмөр гаргах дуртай аялагч, амрагч, жуулчид олон бий. Малайзын эрх баригчид энэ зуны амрагчдадаа зориулан дэлхийн хамгийн урт усан гулсуурыг хийж байна.

1,140 метр урт гулсуураар аялагч, адал явдал хүсэгчид  дөрвөн минутын турш гулгаж хөгжилдөх ажээ. Аварга гулсуурыг ирэх долдугаар сард барьж дуусган наймдугаар сарын дундуур олон нийтэд нээлттэйгээр ажиллуулна гэж эрх баригчид төлөвлөсөн байна.

 

 

Дэлхийн амжилтуудыг бүртгэдэг Геннисийн номд одоогоор хамгийн урт усан гулсуур Америкийн Нью Жерсид байдаг Action цэнгэлдэх хүрээлэнгийн 601 метр урттай гулсуур юм. Малайзад  дэлхийн хамгийн урт гулсуур барих нь Геннисийн амжилтыг эвдэх зорилгогүй ба хамгийн гол нь үүгээр гулсах дуртай аялагч, амрагчдад бүрэн хэмжээний сэтгэл ханамжийг мэдрүүлэх гэж төслийн удирдагч Сим Чү Кен хэлжээ.

 

 

Аялагчид зөөврийн тэргэнцрээр уул руу хүргүүлж гулсуурт хүрэх юм байна. Гулсуураар гулгах замдаа ширэнгэн ой, зэрлэг байгалийн дундуур аялж адал явдлыг бодитоор мэдэрнэ гэжээ.

 

 

Эх сурвалж: www.cnn.com

---