Үзэгч сонсогчдодоо зориулан дэлхийн шилдэг тоглолтуудын цуврал булангийнхаа энэ удаагийн дугаараар нэгэн гайхалтай тоглолтыг толилуулахаар бэлтгэлээ. Энэ бол Англи-Ирландын алдарт One Direction хамтлагийн 2014 оны "Where We Are" кино концертыг бүрэн эхээр нь толилуулж байна.

One Direction хамтлаг

Анлги-Ирландын хөвгүүдийн поп "One Direction" хамтлаг нь 2010 онд Британийн телевизийн "The X Factor" нэвтрүүлгээс төрөн гарч дэлхийн хэмжээний том хамтлаг болсон юм. Тэд анх уг шоунд тус тусдаа бие даасан уран бүтээлчийн хувиар орж байсан ч эцэст нь уг шоуны шүүгчдийн саналаар нэгдэн хамтлаг болсон түүхтэй. Тэд 2011-2015 оны хооронд дараах таван цомгийг гаргажээ.

• Up All Night (2011)
• Take Me Home (2012)
• Midnight Memories (2013)
• Four (2014)
• Made in the A.M. (2015)

Маш хурдацтайгаар дэлхийн даяар нэр алдар нь түгж Brit Awards-аас долоон удаа, MTV Video Music Awards-аас дөрвөн удаа, Billboard Music Awards-аас зургаан удаа, American Music Awards-аас долоон шагналыг хүртсэн цөөхөн хамтлагуудын нэг юм. Тэд 2014 онд "Four" цомгоо гаргасны дараа Америкийн Билбоардын жагсаалтыг тэргүүлсэн ба энэ нь Билбордын түүхэнд анхны гаргасан дөрвөн цомог нь бүгд дараалан жагсаалтыг тэргүүлсэн тохиолдол болж түүхэнд бичигдэн үлджээ. Тэдний Where We Are Tour тоглолт нь нийт 290.2 сая долларын ашиг олсон нь хөвгүүдийн хамтлагийн хувьд мөн л дээд амжилтыг тогтоосон байна. 

Өнөөдөр та бүхэндээ энэхүү "Where We Are" тоглолтыг бүрэн эхээр нь толилуулж байна. Тоглолтод эгшиглэх дуунуудын дараалал:

• "Midnight Memories"
• "Little Black Dress"
• "Kiss You"
• "Why Don't We Go There"
• "Rock Me"
• "Don't Forget Where You Belong"
• "Live While We're Young"
• "C'Mon, C'Mon"
• "Right Now"
• "Through the Dark"
• "Happily"
• "Little Things"
• "Moments" (Only in DVD)
• "Strong" (Only in DVD)
• "Better Than Words" (Only in DVD)
• "Alive"
• "One Thing"
• "Diana"
• "What Makes You Beautiful"
• "You & I"
• "Story of My Life"
• "Little White Lies"
• "Best Song Ever"