Манай сайт эрхэм таны сонорыг мялаах дэлхийн шилдэг дуунуудыг цуврал хэлбэрээр оруулж байгаа билээ. 

"Rolling Stone" сэтгүүл бүх цаг үеийн шилдэг 500 дууг нэрлэж байна. 

"Rolling Stone" сэтгүүлийн хувьд дэлхийн хөгжмийн зах зээлд хүлээн зөвшөөрөгдсөн "шилдгийн шилдэг" жагсаалтыг төрөл бүрээр гаргаад удаж байна. Эндээс бид "Бүх цаг үеийн шилдэг 500 дуу" жагсаалтыг онцлон уншигч, үзэгч та бүхэндээ цувралаар танилцуулж байгаа юм. 

Elvis Presley, ‘Don’t Be Cruel’

Домогт дуучин Элвис Преслигийн ‘Don’t Be Cruel’ дуу нь 1956 онд зохиогдож 2002 онд Греммигийн хүндэтгэлийн танхимд залагдаж байсан байна. 1961 он гэхэд зургаан сая хувь борлогдоод байлаа. Энэ нь домогт дуучныг 1977 онд нас барах хүртэл түүнд ашиг орлогоо хангалттай оруулж байсан дуу юм. Уг дууны зохиогч нь Отис Блаквэлл бөгөөд дуугаа ердөө 25 доллараар үнэлэн зарсан байдаг.