Манай сайтын "Дэлхийн шилдэг борлуулалттай цомог" цуврал булангийн энэ удаагийн дугаараар Канадын алдарт дуучин Шанай Твейний "The woman in me" цомгийг танилцуулж байна. Энэхүү цуврал булангаараа бид дэлхийд хамгийн олон хувь борлуулагдсан шилдэг цомгуудыг танилцуулдаг юм.

The Woman in Me (Shania Twain)

Уг цомог нь Шанай Твэйний хоёр дахь бие даасан цомог ба цомогт багтсан ихэнх дуугаа тэрээр өөрөө зохиосон байдаг. 1995 оны эхээр гарсан "The woman in me" цомог дуучны хамгийн олон хувь борлуулагдсан цомог бөгөөд оны төгсгөл гэхэд 4 сая хувь борлуулагдаж чадсан байна. Зөвхөн Америкт гэхэд 12 сая борлуулагдаж дэлхий даяар нийтдээ 20 сая хувь борлуулагдаж чадсан байдаг. 

12 дуутай цомгийнхоо найман дууг нь сингл болгон гаргасан нь бүгд хит болж чадсан байна. Энэхүү цомог 1995 онд Канадын оны шилдэг цомгоор нэрлэгдсэн төдийгүй 1996 онд дараах шагналуудыг хүртсэн байдаг. 

• Биллбоард- Оны шилдэг Country цомог
• Гремми наадам - Шилдэг Country цомог зэрэг шагналуудаас гадна бусад олон шагналуудыг хүртсэн байна. 

Уг цомогт багтсан "Any Man of Mine" дууг хүлээн авч үзэцгээе.